Жителите на населба Балканска од денеска имаа чиста и здрава вода за пиење од градскиот водовод.

Ветувањето на градоначалникот Благој Бочварски е остварено, повеќе од 50 фамилии во населба Балканска од денеска до своите домови имаат чиста и здрава вода за пиење.

Општина Штип  го доби проектот „Одговорна општина која се грижи за потребите на граѓаните“, согласно  Програмата „Општинско корисна работа“ - како дел од Оперативниот план за услуги и активни програми и мерки за вработување на Владата на Република Северна Македонија  за 2019 година во делот на финасиската поддршка на Оперативен план од страна на Швајцарската агенција за развој и соработка .

За реализираните проектните активности одобрени се 540.000, денари.

ЈП „Исар“ во изминатиот период работеше на целосна реконструкција на водоводната линија на улица „Сутјеска“. Ова беше долгогодишен проблем на граѓаните и локалната власт се зафати со решавање на истиот.

Се работи за обнова на 310 метри главна водоводна линија, 350 метри сервисна линија и 230 метри приклучни врски за нови 40 домакинства на улиците „Никола Тесла“, „Пролетерска“ и „Астибо“.

Општина Штип продолжува со реконструкција и санација на патната инфраструктура. Улицата „Крушевска Република“ во населба Баби е реконструирана со нов асфалт.

Се работи за 4150 метри квадратни површина која ќе добие нов лик.

Општина Штип заедно со Министерство за труд и социјална политика, ООУ „Гоце Делчев“ и  Републичкото здружение „Порака“ инвестира во обновување и приспособување на просторија која се наоѓа во склоп на училиштето Гоце Делчев за Дневен престој на лица со попреченост над 18 години.

Општина Штип преку приватна фирма во наредниот период ќе работи на осветлување на влезот во градот од Скопје. Се работи за нови лед светилки со висина од 9 метри кај Кампус 4 на новиот тротоар, на новиот кружен тек кај населба Пребег и на улицата од кружниот тек до улицата Партизанска.

Комплетно е завршена промената на старите и дотраени прозори со нови енергетски ефикасни во ООУ „Тошо Арсов“ во Штип, инвестиција во висина од 7,8 милиони денари со вклучено ДДВ која е обезбедена од Министерство за образование.

Градоначалникот Бочварски во име на Општина Штип, потпиша договор со Министерство за локана самоуправа и Бирото за рамномерен и регионален развој за изградба на уште една делница од локалниот пат Шашаварлија – Кошево – Почивало. Се работи за делница од 3500 метри квадратни и вредност од 5,6 милиони денари кадешто дел ќе бидат финансирани од Владата, а дел од Општина Штип.

Денеска градоначалникот на Општина Штип, Благој Бочварски оствари средба со амбасадорот на Република Чешка во Република Северна Македонија, господинот Мирослав Томан.