Општина Штип продолжува со реконструкција и санација на патната инфраструктура. Улицата „Крушевска Република“ во населба Баби е реконструирана со нов асфалт.

Се работи за 4150 метри квадратни површина која ќе добие нов лик.

„Можам да кажам дека Крушевска Република во првиот дел на влезот од населбата Баби веќе е саниран еден еден дел, којшто беше 1300 метри квадратни, а овој поголемиот дел е 4150 метри квадратни со сума на чинење над 1,8 милиони денари, што значи дека инвестираме големи средства во населбата Баби.

Но можам да кажам дека овде инвестиравме и на изградбата на улиците 6 и 7 заедно со водоводна и канализациона линија, на изградбата на улицата 11 Конгрес, но и на санација на уште неколку канализациони и водоводни линии. Така што во населбата Баби заедно со оваа инвестиција имаме инвестирано околу 200.000 евра,“ изјави Бочварски.

Во наредниот период Општина Штип ќе продолжи со градежната офанзива, односно ќе се работи на санација на улицата Сутјеска, кадешто досега се вршеше промена на водоводната линија.