Градоначалникот на Општина Штип, Благој Бочварски изврши увид во започнатите градежни активности за асфалтирање на првата фаза од обиколницата.

Обиколницата претставува многу важен проект којшто ќе овозмoжи растеретување на сообраќајниот метеж во градот.

„Веќе завршивме со втората фаза и со изработката на кружниот тек и целосно асфалтирање и поставување на сите тротоари. Наскоро ќе продолжиме на таа фаза и со уличното осветлување.

Овде на оваа прва фаза вчера и денеска веќе работиме на асфалтирање на 4650 метри квадратни асфалтна површина, односно вториот слој којшто не беше поставен и еве сега го поставуваме.

Втората фаза со кружниот тек имаше површина од 5960 метри квадратни и оваа 4650, доаѓаме до бројка од 10.600 метри квадратни.

Сумата на чинење е 46.000.000 денари на оваа прва фаза, заедно со мостот, поставување на асфалт и еден тротоар, а додека втората фаза чинеше 11.000.000 денари и целиот проект е 57.000.000 денари,“ изјави Бочварски.

Општина Штип продолжува да инвестира во инфраструктурата којашто го дава развојот на Штип.