Во организација на Општина Штип се одржа Еко акција во населба Осми Ноември, на која присуствуваше и градоначалникот на Општина Штип, Благој Бочварски.

„Покажуваме сите заедно пример дека се грижиме и си ја чуваме животната средина.

Пожарникарите ќе работат во паркот пред новата пошта, а сите останати ќе влеземе во населбата Осми Ноември,“ изјави градоначалникот Бочварски.

На оваа акција се приклучија и јавните претпријатија, општинската администрација, акцијашите од Штип, ТППЕ Штип, советници од Совет на Општина Штип, Совет на млади,  општинската организација на СДСМ во Штип и граѓани од населбата Осми Ноември.

Ова е втора ваква акција, после Еко акцијата во населба Три Чешми.