Градоначалникот на Општина Штип, Благој Бочварски на покана на Факултетот за туризам и бизнис логистика при Универзитет „Гоце Делчев“ Штип, присуствуваше на Втората меѓународна научна конференција  на тема „Предизвици на туризмот и бизнис логистиката во 21 век.

Како говорник на оваа тема, градоначалникот Бочварски истакна дека позитивен пример за нашиот град е Општинскиот мултимедијален центар „Киро Глигоров“ кој е посетен од над 2000 граѓани, како од нашиот град така и од соседните градови и држави.

Оваа спомен соба содржи податоци за првиот претседател на нашата држава, Киро Глигоров и е доста интересна и првлечна за туристите кои сакаат да ги запознаат значајните ликови на Македонија.

Исто така Факултетот за туризам и бизнис логистика кој е дел од Универзитетот „Гоце Делчев“ е пример за размена на студенти и збогатување на знаењата за богатствата на нашата држава во делот на туризмот.