Градоначалникот на Општина Штип, Благој Бочварски присуствуваше на состанок на Стопанска комора, која се одржа во хотел „Оаза“.

На овој настан присуствуваше и заменик претседателот на Владата, Кочо Анѓушев.

„Владата напорно работи на подобрувањето на условите на бизнис секторо, јас само на неколку наврати сум бил на средби со вице премиерот Анѓушев заедно со стопанствениците во Штип и тоа покажува дека бизнисмените во Штип и во Македонија се добро сослушани од Владата,“ истакна Бочварски во своето излагање.

Показателите покажуваат дека во овој момент економијата во Република Северна Македонија расте и со евроинтеграцискиот процес којшто следува во иднина ќе се отвори шанса за биснис секторот.

Општина Штип со своите надлежности ќе биде постојана поддршка на бизнис секторот.