Градоначалникот на Општина Штип, Благој Бочварски денеска присуствуваше на Меѓународната конференција за добри практики за регионален развој во источниот регион која се одржува на 12 и 13 септември во ОМЦ „Киро Глигоров“.

На оваа конференција присуствуваа и заменик министерот за локална самоуправа, Дејан Павлески, претседателот на Совет за развој на ИПР и градоначалник Николчо Илијев, директорката на Центар за развој на ИПР, Драгица Здравева иградоначалници од општини од Република Бугарија.

Градоначалникот Бочварски имаше и свое поздравно обраќање пред присутните.

„Оваа конференција исто така дополнително ги зајакнува добрите практики на сите нас пристуни овде, ни овозможува да ги разменуваме знаењата во областа на рамномерниот регионален развој, а со тоа да придонесеме реализација нови проекти и идеи за нашите заедници.

Како градоначалник сметам дека сеуште треба да ја зајакнуваме меѓуопштинската соработка, како и соработката со останатите региони во Македонија и надвор од неа, се со цел рамномерниот развој да биде на едно повисоко ниво и сите општини без разлика на големината, да ги осетат придобивките,“ истакна Бочварски.