Градоначалникот на општина Штип, Благој Бочварски се приклучи на кампањата МојДДВ и истакна дека мерката поврат на 15 % од пресметаниот ДДВ е од исклучително значење и за граѓаните и за државата.

Преку МојДДВ на граѓаните на нивните трансакциски сметки им се враќаат назад парични средства како дел од пресметаниот ДДВ, а истовремено МојДДВ придонесува за намалување на сивата економија. Досегашните податоци, говорат за успешноста на овој проект.

Заклучно со 09.09.2019, скенирани се 17,342,767 фискални сметки, остварен е промет од 8,840,371,112 денари, вкупниот ДДВ е во износ од 959,772,159 денари, додека повратот од 15 % кај граѓаните е изесува 143,965,824 денари.

Бочварски ги повика граѓаните кои досега ме ја презеле апликацијата МојДДВ да го направат тоа и да си го остварат правото на поврат.