Општина Штип преку ЈП „Стипион 2011“ работи на доуредување на пешачкиот дел на градскиот стадион. Се работи за поставување на бехатон и тампонирање на дел од пешачките патеки во стадионот.

„Се работи за поставување на нова подна површина на источната требина на влезот на стадионот, но и на сите околни стази коишто стручните луѓе навистина правеа проблем според на тревната површина на главниот стадион и поради тоа сите површини во близина треба да бидат покриени со бетонска подлога, бехатон или тампонирање.

Паралелно со тоа ќе се работи и на санација на потпорните ѕидови коишто беа дотраени и срушени.

Инвестицијата на Општина Штип ќе биде околу 1,5 милиони денари,“ изјави Бочварски.

Паралелно со инвестициите на Општина Штип, голема поддршка за реконструкција на овој терен дава и спонзорот и сопственикот со 51 % од акциите на ФК Брегалница, компанијата КИТ-ГО и нејзиниот сопственик Кирил Гогов.