Денеска во посета на општина Штип беше Делегација од Посавинска регија од Република Словенија предводена од градоначалникот на општина Жалец, Јанко Кос.

Делегацијата оствари средба со градоначалникот на Општина Штип, Благој Бочварски во кабинетот. На средбата присуствуваше и градоначалникот на Општина Кочани, Николчо Илијев.

„Разговаравме за децентрализацијата којашто ја има во Словенија, бидејќи и ние сме во фаза на децентрализација, разговаравме за размена во делот на културата, соработка во делот на спортот, економијата, бизнисот,“ истакна Бочварски.

Градоначалникот Кос дополни дека соработката ќе продолжи и дека овие средби ќе се случуваат во иднина, како во Република Северна Македонија така и во Република Словенија.

Делегацијата ја посети и фирмата „Актива“ каде имаа можност да се запознаат со функционирањето на таа компанија.