Денеска градоначалникот на Општина Штип, Благој Бочварски го посети летниот камп на Реал Мадрид којшто се одржува во општина Штип за млади таленти од 7 до 17 години.

Овој камп траеше 4 дена од 17 до 21 јуни на градскиот стадион во Штип кадешто младите фудбалери од различни градови и клубови имаа можност да научат и да го надградат своето знаење во фудбалските игри.

„Сакам да се заблагодарам за целата организација до фудбалскиот клуб Реал Мадрид, овој светски гигант којшто денеска со свои стручни луѓе и во изминатите денови присуствуваше во Штип и во уште два града во државатам со што покажува дека има интерес да работи на подобрување на квалитетите на младите надежи.

Благодарен сум и заради тоа што имаме и спортски работници како господинот Кирил Гогов и компанијата „Кит-Го“ којшто исто така помага за организација на овој камп да се одржи токму во Штип,“ изјави градоначалникот Бочварски.

Овој летен камп на Реал Мадрид се одржуваше во три града во Република Северна Македонија и тоа Скопје, Кавадарци и Штип.