Градоначалникот на Општина Штип, Благој Бочварски денеска во својот кабинет ги прими пионерите, младинците и стручниот штаб од „УГД Студент“ за постигнатиот успех на државното првенство.

Во конкуренцијата пионери одбојкарскиот клуб „УГД Студент“ го освои првото место, а во категоријата младинци истиот клуб го постигна третото место.

Ова се големи успеси кои докажуваат дека Општина Штип треба да продолжи да вложува во спортот, спортските работници и клубови заради напредок.