Денеска по повод 20 мај – Денот на пожарникарството, градоначалникот на Општина Штип, Благој Бочварски ја посети штипската противпожарна единица каде им се заблагодари на пожарникарите за нивната пожртвуваност и професионализам во задачите и активностите коишто секојдневно ги извршуваат.

„Сакам да им го честитам денот и да посакам да имаат многу успешни активности со коишто нивната благородна професија ќе успее да зачува многу од имотот на граѓаните, а можеби и човечки животи.

Во изминатите месеци ги ставивме сите возила на ТППЕ Штип во функција, поставивме фотоволтаици со коишто ќе се заштедува енергија и преку меѓуграничната соработка со општината Гоце Делчев аплициравме за ново возило за ТППЕ Штип,“ изјави Бочварски.

На денешен ден е формирана првата противпожарна единица и затоа 20 мај е Ден на пожарникарството. ТППЕ Штип денеска изведуваше показна вежба во СОУ „Јане Сандански“.