Денеска градоначалникот на Општина Штип, Благој Бочварски присуствуваше на отворање на еко парк во населба Сењак 4. Се работи за донација од страна на двете фирми, Адиент и Пакомак во вредност од 240.000 денари, сума којашто е искористена за набавка на клупи, детски лулашки, корпи за отпадоци и други реквизити за забава и игра на најмалите.

Денеска градоначалникот на Општина Штип, Благој Бочварски заедно со директорот на Дирекција за заштита и спасување, Аднан Џаферовски и претставници од земји од Европската унија беа во посета на штипската противпожарна единица се со цел да се увидат состојбата и капацитетот на Територијалната противпожарна единица во Штип.

Денеска градоначалникот на Општина Штип, Благој Бочварски изврши увид во градежните активности во населба Железничка. Се работи за 4 краци од улици со должина од околи 300 метри, кои се тешко пристапни за жителите на населба Железничка. Денеска се започна со асфалтирање на тој дел од Железничка, каде најповолниот економски оператор ОСД ДООЕЛ Скопје ќе асфалтира во наредните денови.

Штип учествуваше на третата конференција од проектот „Обединета Европа“. Од 9 до 13 октомври во Сетубал во Португалија се оддржа третата конференција на „Обединетите градови„ во кои членува и Штип.Делегација од Штип, предводена од градоначалникот Благој Бочварски учествуваше на третата конференција која овој пат како тема ја имаше „Миграцијата и социјалната инклузија на малцинствата“.

Изминативе денови делегација од Општина Штип, предводена од градоначалникот на Општина Штип, Благој Бочварски, беше во посета на Португалија, во градот Сетубал, а во рамки на проектот „Future od Europe Reload“. Градоначалникот на Општина Штип, Благој Бочварски имаше свое поздравно обраќање пред присутните на настанот.

Денеска Општина Штип заедно со Сојуз на борци на Штип и Карбинци го чествуваше Денот на народното востание – 11 Октомври. Делегација од Општина Штип предводена од секретарот Соња Китанова положија свежо цвеќе пред Споменикот на револуцијата на штипската тврдина Исар. На оваа манифестација присуствуваа и претставници од Универзитетот „Гоце Делчев“ Штип, Совет на Општина Штип, делегација од Општина Карбинци предводена од градоначалникот Јордан Насев, Собрание на Република Македонија, политички партии и останати.

Денеска градоначалникот на Општина Штип, Благој Бочварски заедно со директорот на ЈП „Исар“, Живко Тасев извршија увид во работите на ЈП „Исар“ во населба Балканска за водоснабдување на околу 600 жители кои се во финална фаза.

Должината на водоводот до населба Балканска е 1300 метри, а досега се изведени 1250 метри.

Изминатиот викенд се одржа триесетитретото издание на најреномиран фестивал на забавни мелодии „Макфест“. 

Во четврток и петок, на двете полуфинални вечери, настапија по 16 изведувачи пред преполна сала во Центар за култура „Ацо Шопов“. Во сабота се одржа финалната вечер, на која настапија 20 изведувачи кои успеаја да се пласираат во финале по учеството на двете полуфинални вечери. 

Денеска во големата сала во Општина Штип се одржа Свечена академија по повод Светскиот ден на учителот – 5 октомври. На оваа академија присуствуваа учители од повеќе средни и основни училишта во градот, претставници од Државен просветителен инспекторат, комисија за образование во рамките на Совет на Општина Штип, Биро за развој на образование, проректор и ректор на Универзитет „Гоце Делчев“ Штип и од други културно-образовни институции.