Започната е реконструкција на дел од инвертарот во клонот „Цветови“ при детската градинка „Астибо“ во населбата Осми Ноември.

Се работи на целосна промена на старите и дотраени прозори со нови енергетски ефикасни и ќе се работи на промена на парниот котел.

Оваа реконструкција се врши со финансиската помош од Јапонска Амбасада во висина од 55.000 евра.

„Овде веќе е завршена замената на прозорците и веќе ќе се работи на внатрешно обелување на целата просторија со што ќе добие целосно нов лик, заедно со тоа ќе се замени и системот за греење, така што веќе од септември месец оваа детска градинка очекувам да биде ставена во функција, многу блиску до тоа што била тогаш кога била пуштена во употреба.

Донацијата е 55.000 евра од страна на Јапонската држава,“ изјави градоначалникот Бочварски.