Почесни конзули на РСМ акредитирани во странство вчера престојуваа во работна посета на Општина Штип.

Приемот беше одржан во ОМЦ ,,Киро Глигоров" и продолжи со посета на бизнис капацитети кои се извозно ориентитани.

Беа посетени ЕАМ, АКТИВА и винарија Имако.

Посетата беше во рамките на дводневната конференција на почесни конзули во организација на Министерството за надворешни работи.

Конференцијата со почесните конзули е во рамките на активностите за поефикасно реализирање на целите на економската дипломатија на Министерството за надворешни работи. Нејзината цел е да се воспостави подобра комуникација и координација на почесните конзули со институциите, како и да се запознаат со економските политики на земјата, особено во делот на зајакнување на економската и трговската соработка со странските држави.

Нашите почесни конзули создаваат можности за проширување и зајакнување на билатералните односи на Северна Македонија со земјите во светот. Со секоја од земјите во коишто нашите конзули живеат и функционираат имаме различни врски и интереси, но наша цел е економската соработка, подобрување на културните врски и односите меѓу луѓето. 

Оваа е прв пат Штип да биде домаќин на една ваква конференција на која што доби можност да ги претстави своите можности кои што со помош на почесните конзули на Македонија ќе бидат достапни и презентирани во земјите каде што не претставуваат .