Се работи на местење железна конструкција за поставување на мост на река Брегалница. Градоначалникот на Општина Штип изврши увид во градежните активности за поставување на мостот.

Се работи за мостовска конструкција со должина од 60 метри, ширина 10 метри и тежина од 240 тони.

„Ова сообраќајно решение ќе го растерети целиот сообраќај во градот. Се работи за сериозна конструкција и за сериозна инвестиција за која требаше време да се завршат сите ревизии и постапки.

Инвестициона вредност на прва и втора фаза од обиколницата којашто делумно веќе е завршена со кружен тек и оваа фаза што ќе заврши со мостот е од околу 58 милиони денари,“ изјави Бочварски.