Градоначалникот на Општина Штип, Благој Бочварски заедно со претставници од страна на Јапонската агенција за меѓународна соработка – Џајка извршија увид во работењето на Филтер станицата во населбата Баби во Штип.

Агенцијата Џајка има инвестирано во оваа Филтер станицата за реконструкција и денеска нејзините претставници извршуваат увид до каде се работите.

Општина Штип редовно го исплака тој кредит кон оваа агенција.

„Денеска сме овде заради запознавање на претставниците од Џајка до каде е целата реконструкција и како ќе излеземе од овој процес којшто е почнат од поодамна.

Ги запознав претставниците дека Министерството за земјоделство има распишано јавна набавка за опрема и за изградба на уште еден објект овде со цел да со таа најнова опрема успееме да добиеме вода од хидросистемот Злетовица,“ изјави градоначалникот Бочварски.

Општина Штип и ЈП „Исар“ се грижат Штип да биде стабилен со снабдување на вода во наредните години.