Денеска се одржа првата конститутивна седница на Управниот одбор на солидарниот фонд.

На оваа седница се избра претседател на управниот одбор и извршен директор.

За претседател на управниот одбор е избран градоначалникот на Општина Штип, Благој Бочварски, а за извршен директор е избран, Никола Тушев.

„Денеска ја имавме конститутивната седница на Управниот одбор за солидарниот фонд, на која избравме претседател и извршен директор. Овој солидарен фонд ќе има своја сметка на која граѓаните ќе можат да донираат и истиот ќе се користи за секаква помош на нашите сограѓаните.

На овој состанок разговаравме и за случајот на нашата сограѓанка Симона Хаџи-Тошев и ние како членови на овој солидарен фонд ќе донираме средства, а дополнително повикувам секој граѓанин да го направи истото,“ изјави градоначалникот Бочварски.

За членови на управниот одбор се именуваат: Даница Рамбабова, Борис Шарковски, Александар Патраклиски, Иван Бојаџиски, Билјана Ефтимова и Емилија Ефремова.