Денеска се започна со градежни активности за асфалтирање на улици во населба Караорман. Се работи за тешко проодни улици за граѓаните кои живеат во тој дел од градот.

Ова беше едно од главните ветувања на локалната власт и денеска влегуваме во реализација на истото.

„За локалната самоуправа зборот важи! Она што сме го ветиле мора да го исполниме.

Денеска започнуваме со асфалтирање на 1300 метри улици во населба Караорман кои беа во многу лоша состојба и едно од главните барања на граѓаните од оваа населба,“ изјави Бочварски.

Се работи за инвестиција од околу 80.000 евра дел обезбедени од буџетот на Агенција за финансиска поддршка во земјоделството и руралниот развој, а останатите од буџетот на Општина Штип.

Општина Штип работи на проектирање на останатиот дел улици од оваа наслеба.