Делегација на Општина Штип предводена од градоначалникот Бочварски го одбележа Денот на народноослободителната војна  - 11 октомври.

Градоначалникот Бочварски присуствуваше на свечена седница во организација на Сојузот на борци од Штип и Кавадарци.

„11 Октомври е датум кој засекогаш ќе биде врежан во историските записии, ќе остане сведовштво за одлуката да се спротивставиме на секој окупатор кој непоканет ќе дојде овде и ќе ни ја запоседне нашата територија.

Истрелот кој одекна на 11 Октомври беше историски истрел. Тој ги следеше и во себе ги обедини сите истрели на Македонскиот народ во борбата за својата државност и национална еманципација,“ кажа Бочварски во своето излагање.

Општина Штип се сеќава на борците кои ги дадоа своите животии за слободата на државата.