Во организација на Општина Штип заедно со Европската делегација и ЕУ Инфо центар Скопје се одбележа Светскиот ден без автомобили.

Деца од основните училишта во Штип возеа велосипеди до градскиот плоштад „Слобода“ и со тоа се испраќа апел до сите граѓани, почесто да го користат велосипедот како превозно средство за да ја зачуваме животната средина.

На оваа активност се приклучи и градоначалникот на Општина Штип, Благој Бочварски.

„Ја поздравувам оваа активност и повикувам, граѓаните што е можно по често да се движат со велосипед и што е можно повеќе да ги оставаат автомобилите,“ изјави Бочварски.

Оваа година „Европската недела на мобилност“, која се реализира во многу градови во Европа, а и во нашиот град акцентот го става на безбедното пешачење и возење велосипед, но и на придобивките од овие активности за нашето здравје, за животната средина и за личниот буџет.

На овој ден ги поттикнуваме сите, макар за еден ден своите автомобили да ги остават дома.