Градоначалникот на Општина Штип, Благој Бочварски во својот кабинет ги прими борачите на БК Олимпија кои постигнаа значајни успеси на два меѓународни турнири во Србија и Косово.

На меѓународниот турнир во Белград, на кој учествуваа повеќе од 250 натпреварувачи, борачите на БК Олимпија освоија 10 медали од кои 4 се златни.

Во Косово се освоени 2 златни медали од страна на натпреварувачите од штипскиот боречки клуб Олимпија.

„Убаво е да се започне работниот ден со граѓани на Штип кои го промовираат градот со значајни спортски успеси на меѓународно ниво. Сакам да им честитам на овие млади борачи за вака значајните успеси на турнирите во Србија и Косово. Општина Штип секогаш ќе биде поддржувач на младите таленти кои се амбасадори на Штип,“ изјави Бочварски.