Денеска во кабинетот на градоначалникот на Општина Штип, Благој Бочварски се одржа Комисија за награди и признанија кои се доделуваат на 8 ноември, Ден на ослободување на општина Штип. Комисијата беше составена од советници во Совет на Општина Штип и претставници од Општина Штип. Се работи за награди кои се доделуваат секоја година на личности кои придонеле за својот град во различни области.

„Денеска оставарив средба со целата Комисија којашто е предложена за признанијата за 8 ноември, коишто ќе ги додели Општина Штип, по повод Денот на ослободувањето на нашиот град.

Оваа година има пристигнато 7 предлози на кандидати коишто би биле можни добитници на овие награди и признанија,“ стои во изјавата на Бочварски.

Предлозите за овие награди и признанија ќе бидат доставени до Совет на Општина Штип и на наредната седница ќе се одлучува за тоа кој треба да добие признание од страна на Општина Штип. Предложените кандидати се луѓе кои делуваат во дел на политика, бизнис сектор, култура образование и наука.