Градоначалникот на Општина Штип, Благој Бочварски оствари средба со министерот без ресор, задолжен за странски инвестиции, Елвин Хасан во кабинетот на градоначалникот Бочварски.

Министерот Хасан пред средбата посети 3 домашни фирми, две во Штип и една во Кочани со цел одблиску да се запознае со функционирањето на истити и како се отсликуваат бенефициите од Владата на Република Северна Македонија.

„Владата на Република Северна Македонија уште од првиот дена работи на развој на економските политики коишто ќе го донесат развојот на компаниите,“ изјави министерот Хасан.

„Разговаравме за можностите на општина Штип и ние сме една од тие општини коишто нудат доста сериозни можности,“ дополни Бочварски.

Автопатското поврзување на општина Штип со неколку други градови, овозможува развивање како на странските така и на домашните компании.