Денеска градоначалникот на Општина Штип, Благој Бочварски, присуствуваше на свечениот пречек на првачињата во ООУ „Димитар Влахов“ во Штип, каде им посака топло добредојде во училишните клупи.

„Пред вас се најубавите години исполнети со учење и осознавање на светот околу вас, ваша лична надоградба, раст и развој.

Процесот којшто за вас започнува денеска е воспитно-образовен, а ние, возрасните, сме должни да наоѓаме начини за да го олесниме вашиот пат кон знаење и морална и правична одговорност.

Ви посакувам среќен и успешен почеток на училишната година,“ истакна во неговото обраќање градоначалникот Бочварски.