Градоначалникот на Општина Штип, Благој Бочварски одржа координативен состанок заедно со претставници од неколку текстилни фабрики, превозници од локалниот превоз што ги превозуваат работниците, Гласен текстилец, Хелсиншки комитет, ЦЗЈ и сите засегнатни инспекторати коишто се засегнати со Корона фирусот.

Општина Штип заедно со Територијалната противпожарна единица и Јавното претпријатие Исар започна акција на миење на улиците и дезинфекција на местата за одлагање на отпад.

После 65 години локалната власт денес пушта во употреба нов мост на река Брегалница кој ќе го растерети сообраќајниот метеж во градот. Мостот „Иднина“ ги спојува населбите Пребег и Сењак и значително ќе придонесе во олеснување на протокот на работници и студенти од своите домови до работните места или до местата за студирање.

Локалната власт заедно со јавното претпријатие „Исар“ го комплетираше најголемото барање на граѓаните од населбата Балканска. Домакинствата во Балканска добија чиста и здрава вода за пиење од градскиот водовод.

Локалната самоуправа започна со реконструкција на пешачката површина на улицата Кирил и Меториј, кај Саат Кулата или познатата стара чаршија. Овој тротоар беше во дотраена состојбаи тешко прооден за пешаците, па така со реконструкцијата граѓаните ќе добијат нова и безбедна пешачка површина.

Општина Штип инвестираше во неколку реконструкции во основното училиште Ванчо Прќе. Се работи за изградба на затворен балон – игралиште за потребите на учениците, инвестиција која чини 2,1 милион денари, дополнително изградена е отворена училница, нови компјутери, смарт табли, лед телевизори, реконструкција на тоалети и нова железна ограда.

Започнати се градежните активности за реконструкција на улицата Коле Неделковски. Се работи за комплетно вадење на коцката која беше стара и дотраена и замена на водоводната и канализационата линија. По овие зафати ќе следува поставување на асфалтен слој и реконструкција на пешачката површина односно тротоарите.

Граѓаните од урбаната заедница долна Железничка имаа потреба од нова канализациона мрежа. Општина Штип заедно ЈП „Исар“ започна со изградба на нова канализациона линија со должина од околу 400 метри со 7 приклучни шахти на која ќе се приклучат неколку домаќинства од овој дел од градот.

Во претходниот период се работеше на темелни реконструкции во детската градинка Цветови. Со донација од Јапонската амбасада, се променија прозорите кои беа стари и дотраени и котелот за греење, а додека со финансии од Општината оваа детска градинка набави нов мебел, завеси и теписи.